وتحدثت مي كساب عن أرقام الأجور، قائلة إنها لا تركز في لقب الأعلى أجرا موضحة: “عمري ما سألت على أجور زمايلي لأنها أرزاق”.
واستطردت مي كساب قائلة: “رقم المشاهدة أهم من رقم التريند اللي بقى بفلوس، كمان رقم الإيرادات بيفرقلي جدا وبصدقه”
وتابعت: “من وقت مسلسل أحلام سعيدة وعقبال عوضك بقيت بهتم بأرقام المشاهدة”.
وكشفت مي كساب عن سر خلافاتها بسبب الأسماء على التترات قائلة: “رقم اسمي على التتر بيعملي مشاكل لأني بحسبها على الأصول في حين الناس بتحسبها حسابات تانية للشغل والمجاملات وده بيضايقني بتكون غير منصفة”.
ووصفت مي كساب السوشيال ميديا بأنها عالم مجهول بالنسبة لها موضحة: “مش بثق فيه وبقى في حملات مدفوعة عشان كده مش بنساق وراها”.
وأوضحت مي كساب أنها مؤمنة إن الأربعين هو سن الرشد، وأن التربية والتعليم وخبرات الحياة هم مقياس الشخصية وليس رقم العمر.
واستكملت: “مكنتش بربط أهداف الحياة برقم عمري بس لما بقيت أم ندمت وأنصح إن الجواز يبقى بدري عشان تكبروا مع ولادكم”.
وعن سر فقدان وزنها بشكل كبير قالت مي كساب: “لما وصلت لوزن 108 اكتئبت وقررت أعمل عملية”.
وكشفت مي كساب أنها دخلت مجال الغناء وهي في عمر 10 سنوات، كما شاركت في الفوازير، وأول أجر لها كان ٦٠ ألف جنيه.