السبت، 08 مارس 2025 09:54 ص
3/8/2025 9:54:37 AM
هاجمت الإعلامية لميس الحديدي، الألفاظ الخارجة وطريقة تقديم الدراما الشعبية في الموسم الرمضاني 2025.
وكتبت الإعلامية لميس الحديدي عبر حسابها الرسمي بموقع التواصل الاجتماعي “فيسبوك”: “المسلسلات الشعبية (العشوائية) اجتاحت الموسم الرمضاني هذا العام، وربما تكون من الأكثر نجاحا والأكثر مشاهدة، الممثلين هايلين ونجوم ومشاهد العنف متقنة وكل حاجه، أنا بس عندى سؤال، هو ليه كلها ردح وزعيق ولوى بوز وألفاظ عجيبة، وليه بيخلوا الممثلين يتكلموا كده؟ التضجين، المط في الكلام، دي العامية المصرية أحلى لهجة، ليه بنحولها لعشوائية ونمحو ملامحها”.
لميس الحديدي تنتقد المسلسلات الشعبية
وأضافت: فيه فرق بين فن الواقع اللى كان يترأس مدرسته الأستاذ المخرج صلاح أبو سيف، وبين اللي احنا بنشوفه، أكيد فيه طبعا فئات بتتكلم كده نتيجة انهيار التعليم واجتياح اقتصاد التوك توك اللي عاث في حاراتنا وعقولنا فسادا، لكن احنا ليه بنرسخ الأسوأ؟ بنعلم الأجيال اللى بتتفرج على المسلسلات دى إيه؟ واللي بيحبوا الفنانين دول ايه؟ يتكلموا بنفس الطريقة؟ الممثل الأشطر اللى بيطجن، و الممثلة الأفضل هىي اللي بتلوي بوزها و”تتشدق “اللبانه!.
وتابعت: طبعا ده مش معناه ان النموذج الصح هو “فن الكمباوندات” لأن ده برضه، لا يمثل المجتمع، لكن فيه ناس عادية عايشين فى مصر -و هم الأكثر- الفن تأثير، حذار من التأثير في الاتجاه الخاطىء، نجاح مسلسل لن يعوض الثمن اللى بندفعه لسنوات طويلة.